Samarqand shahridagi o‘quv markazi o‘quvchilari 5-iyul kuni o‘zaro janjallashgani haqida xabar berilgandi. Ichki ishlar vazirligi ularga nisbatan qanday chora ko‘rilgani haqida ma’lumot berdi.
Qayd etilishicha, holat shu kuni 19:30 lar atrofida shaharning Dahbed ko‘chasida sodir bo‘lgan. Videolavhadan ko‘rish mumkinki, taxminan 12-13 nafar yigit to‘planib turgani va ular orasidagi 3-4 yigit bir kishini har tomondan urgan. Janjalga telefon orqali bo‘lgan o‘zaro haqoratli suhbat sabab bo‘lgan.
Holat yuzasidan janjalga aloqador bo‘lgan 5 nafar yigitga chora ko‘rilgan. Ularning ikki nafariga 15 sutka, uch nafariga 12 sutka qamoq jazosi tayinlangan.
Izoh (0)