Ayrim ijtimoiy tarmoqlarda 1—2 iyul kunlari Nukus shahrida bo‘lib o‘tgan ommaviy tartibsizliklar yuzasidan turli xil yolg‘on ma’lumotlar tarqatilishi davom etayotgani sabab Milliy gvardiya yana rasmiy bayonot bilan chiqdi.
Ma’lum qilinishicha, tartibsizliklar sodir bo‘lgan joylardan o‘qotar qurollardan otilgan gilzalar topilgani aks etgan videotasvirlar tarqatilgan. Ushbu gilzalar tinch namoyishlar chog‘ida tinch aholini o‘ldirgan o‘q dorilardan qolgani aytilgan, biroq bu videotasvirda hech qanday o‘lganlar ko‘rsatilmagan.
“Shu sababli biz bu xabarlar yolg‘on ekanini ma’lum qilamiz. Ommaviy axborot vositalari uchun o‘tkazilgan brifingda Milliy gvardiya vakillari haqiqiy o‘q-dorilar qachon ishlatilishi haqida aniq javob berdi, ammo bu yerda ular ishlatilmadi. Faqat olomonni tarqatish va tartibsizliklarni bostirish uchun maxsus vositalar — yorug‘lik, shovqin va tutun ishlatilgan.
Aniqlik kiritib o‘tamizki, pirotexnika vositalari bilan to‘ldirilgan patronlarning o‘qlari maxsus 4 o‘qli qo‘shimchali Kalashnikov avtomatdan otiladi. Albatta bunday maxsus vositalarni qo‘llash uchun avtomatga paxtovon o‘qlar joylanadi. Olamonni tarqatish uchun ishlatilgan bu kabi maxsus vositalar qoldiqlarini topib olgan ayrim fuqarolar provokatsion ruxdagi videoxabarlarni ijtimoiy tarmoqlarda tarqatishni maqsad qilgan. Biroq huquqni muhofaza qiluvchi organlar xodimlarining bunday vaziyatlarda qurollardan foydalanishi uchun qonuniy asoslari mavjud”, — deyiladi Milliy gvardiya xabarida.
Bundan avval Qoraqalpog‘istonda tartibsizliklar vaqtida chaqaloq jangovar o‘q tegib jabrlangani, bir necha qurbonlar murdasi aks etgan surat feyk ekani ma’lum qilingandi.
Mavzuga doir:
Izoh (0)