Тошкент шаҳар «103» хизматига туғуруқ ва ҳомиладорлик патологиялари бўйича 2022 йилнинг ўтган олти ойи давомида 21 143 та чақириқ келиб тушган. Бу ҳақда ССВ матбуот хизмати хабар берди.
Қайд этилишича, шундан 38-40 ҳафталик ҳомиладорлик даврида бўлган 2342 нафар аёл туғуруқ учун мурожаат қилган.
Тез тиббий ёрдам хизмати ходимларининг бевосита саъй-ҳаракати туфайли 25 нафар ҳомиладор аёл ўз уйида фарзандли бўлган. Кутилмаганда бошланган туғуруқ ва яна бошқа омиллар сабабли эса 3 нафар она чақалоғини тез ёрдам машинасида дунёга келтирган.
«Энг муҳими, ‘103’ бригадаларининг тезкор амалга оширган тиббий ёрдами туфайли ушбу туғуруқ жараёнларининг барчаси муваффақиятли ва ҳеч қандай асоратларсиз кечган.
Маълумот учун, 2022 йилнинг 6 ой давомида ФҲДЁ органлари томонидан республика бўйича 417 812 та боланинг туғилиш қайд этилган. Бу кўрсаткич ўтган йилнинг мос даври билан солиштирилганда 22 355 тага кўп.
Изоҳ (0)