“Barselona” Robert Levandovski uchun “Bavariya”ga yangi taklif yubormoqchi.
Avvalroq xabar berilganidek, myunxenliklar 40 million yevro va bonus sifatida taklif etilgan 5 million yevroni rad etgandi. Ular 50 million yevrolik taklifni ko‘rib chiqishga tayyorligini ma’lum qilgan.
Sport1 yozishicha, “ko‘k-anorranglilar” nemis klubining talablarini bajarmoqchi. Ular “Bavariya”ga 50 million yevro taklif qiladi.
Robertning kataloniyaliklar safiga o‘tishiga faqatgina bitta to‘siq bo‘lib turibdi: Germaniya chempioni transfer bozorida Levandovskining o‘rnini bosa oladigan hujumchi topa olmayapti.
Polshalik hujumchining o‘zi esa transfer amalga oshishiga umid qilyapti, shu o‘rinda “Bavariya” rahbariyati bilan ziddiyatga borishni ham istamayapti.
33 yoshli forvard o‘tgan mavsumda myunxenliklar safida barcha musobaqalarda 50 o‘yinda 46 ta gol urishga muvaffaq bo‘lgan.
Izoh (0)