«Барселона» Роберт Левандовски учун 50 миллион евро таклиф қилмоқда

«Барселона» Роберт Левандовски учун «Бавария»га янги таклиф юбормоқчи.

Аввалроқ хабар берилганидек, мюнхенликлар 40 миллион евро ва бонус сифатида таклиф этилган 5 миллион еврони рад этганди. Улар 50 миллион евролик таклифни кўриб чиқишга тайёрлигини маълум қилган.

Спорт1 ёзишича, «кўк-анорранглилар» немис клубининг талабларини бажармоқчи. Улар «Бавария»га 50 миллион евро таклиф қилади.

Робертнинг каталонияликлар сафига ўтишига фақатгина битта тўсиқ бўлиб турибди: Германия чемпиони трансфер бозорида Левандовскининг ўрнини боса оладиган ҳужумчи топа олмаяпти.

Польшалик ҳужумчининг ўзи эса трансфер амалга ошишига умид қиляпти, шу ўринда «Бавария» раҳбарияти билан зиддиятга боришни ҳам истамаяпти.

33 ёшли форвард ўтган мавсумда мюнхенликлар сафида барча мусобақаларда 50 ўйинда 46 та гол уришга муваффақ бўлган.