Professional boksning super yarim o‘rta vazn toifasida harakat qilayotgan o‘zbekistonlik Isroil Madrimov 9-iyul kuni Londonda bo‘lib o‘tgan boks kechasida Mishel Soroga qarshi jang o‘tkazdi.
3-raund avvalida fransiyalik bokschining qoshi yorilib ketishi natijasida jang muddatidan avval yakunlandi va durang natija qayd etildi. “Daryo” muxbiri Isroil Madrimov bilan bog‘landi va jang taassurotlari haqida so‘radi.
Jang haqidaEslatib o‘tamiz, Madrimov va Soro 2021-yil 17-dekabrda Toshkentda ilk bor to‘qnash kelgan edi. Jangning 9-raundida gong ovozini eshitmagan Madrimov raqibga bir necha zarbalar yo‘llashi natijasida texnik nokaut qayd etilgan edi. Bundan norozi bo‘lgan Soro jamoasi tashkilotga revansh berilishini so‘rab murojaat qilgandi. WBA Soro jamoasining so‘rovini qabul qilgan va Madrimovga revansh jangida ishtirok etish majburiyatini qo‘ygandi.Avvalambor, assalomu alaykum. Jang yaxshi o‘tdi. Qo‘limdan keladigan ishlarni endi qila boshlaganimda, jarohat tufayli jang muddatidan avval to‘xtatildi.
Hakamlarning qarori haqida
Boksda shunday qarorlar bor, ularni o‘zgartirishni iloji yo‘q. 4-raundga qadar bosh orqali yoki tirsak orqali taqiqlangan zarbalar bo‘ladigan bo‘lsa, durang natija qayd etiladi. Agar qo‘l tekkanda hisobga olinardi. Bu yerda hakamlarni ayblab bo‘lmaydi.
Gonorar haqida
Gonorar to‘g‘risida hech qanday ma’lumotga ega emasman. Pul haqida qiziqib ham ko‘rmadim, so‘ramadim ham. Bu haqida ma’lumot yaqin orada internetga chiqib qolsa kerak.
WBA Super kamari ayni damda Jermell Charloga tegishli hisoblanadi.
Izoh (0)