Jahon Chempionati—2022 vaqtida Qatar stadionlarida spirtli ichimliklarni sotish taqiqlanadi.
“Rejalar hali ishlanmoqda, ammo hozirda vaziyat shundayki, muxlislar stadionga kirishdan oldin va undan chiqqandan keyin pivo ichishi mumkin, ammo o‘yinlar vaqtida stadionlarda sotilishiga yo‘l qo‘yilmaydi”, — deb yozadi Reuters.
Biroq cheklangan vaqt uchun pivo savdosi Dohadagi FIFA muxlislar zonasining ma’lum qismlaridagina amalga oshiriladi. Spirtli ichimliklar bir qancha belgilangan joylarda ham mavjud.
Qayd etish kerak, Qatarda jamoat joylarida spirtli ichimliklar iste’mol qilish, shuningdek, uni mamlakatga olib kirish taqiqlangan. Tashrif buyuruvchilar faqat tegishli litsenziyaga ega bo‘lgan bir nechta mehmonxona va klublarda spirtli ichimlik sotib olishi mumkin.
Avvalroq FIFA JCH—2022 ishtirokchilari qaydnomaga 26 nafar, kengaytirilgan tarkibga esa 55 nafar futbolchini kiritishiga ruxsat bergani xabar qilingandi.
Eslatib o‘tamiz, Jahon Chempionati 2022-yilning 21-noyabridan 18-dekabriga qadar bo‘lib o‘tadi. Musobaqaning amaldagi g‘olibi Fransiya terma jamoasidir.
Izoh (0)