Жаҳон Чемпионати—2022 вақтида Қатар стадионларида спиртли ичимликларни сотиш тақиқланади.
«Режалар ҳали ишланмоқда, аммо ҳозирда вазият шундайки, мухлислар стадионга киришдан олдин ва ундан чиққандан кейин пиво ичиши мумкин, аммо ўйинлар вақтида стадионларда сотилишига йўл қўйилмайди», — деб ёзади Reuters.
Бироқ чекланган вақт учун пиво савдоси Доҳадаги ФИФА мухлислар зонасининг маълум қисмларидагина амалга оширилади. Спиртли ичимликлар бир қанча белгиланган жойларда ҳам мавжуд.
Қайд этиш керак, Қатарда жамоат жойларида спиртли ичимликлар истеъмол қилиш, шунингдек, уни мамлакатга олиб кириш тақиқланган. Ташриф буюрувчилар фақат тегишли лицензияга эга бўлган бир нечта меҳмонхона ва клубларда спиртли ичимлик сотиб олиши мумкин.
Аввалроқ ФИФА ЖЧ—2022 иштирокчилари қайдномага 26 нафар, кенгайтирилган таркибга эса 55 нафар футболчини киритишига рухсат бергани хабар қилинганди.
Эслатиб ўтамиз, Жаҳон Чемпионати 2022 йилнинг 21 ноябридан 18 декабрига қадар бўлиб ўтади. Мусобақанинг амалдаги ғолиби Франция терма жамоасидир.
Изоҳ (0)