Yarim himoyachi Anxel di Mariya “Yuventus”ga o‘tadi.
Turin jamoasi o‘z Twitter sahifasiga argentinalik futbolchining yetib kelganini ko‘rsatuvchi videoni joyladi.
Fabrisio Romaning xabar berishicha, transferning barcha detallari yakunlangan. Di Mariya shu hafta tibbiy ko‘rikdan o‘tadi va bir yillik shartnoma imzolaydi.
34 yoshli futbolchi “Yuventus” safida yiliga 6 million yevro maosh oladi.
Ushbu yozda “PSJ”ni erkin agent sifatida tark etgan di Mariya 2022-yilgi Jahon Chempionatida o‘ynash uchun yana bir mavsum Yevropada o‘tkazishni va keyin Argentinaga qaytishni rejalashtirmoqda.
Ma’lumot uchun, 34 yoshli futbolchi 2021/22-yilgi mavsumda barcha musobaqalar doirasida 31 o‘yin o‘tkazib, 5 ta gol va 8 ta golga assistentlik qildi.
Izoh (0)