O‘ta og‘ir turdagi jinoyat sodir etgani uchun qariyb 20 yildan buyon qidiruvda bo‘lgan o‘zbekistonlik ayol Qozog‘istonda ushlandi. Bu haqda viloyat IIBB matbuot xizmati xabar berdi.
Ma’lum qilinishicha, “Zarbdor” tezkor-profilaktik tadbiri davomi o‘ta og‘ir turdagi jinoyat sodir etgani uchun qariyb 20 yildan buyon qidiruvda bo‘lgan ayol 11-iyun kuni viloyat ichki ishlar bosh boshqarmasi tezkor xodimlari tomonidan Qozog‘iston politsiyasi bilan hamkorlikda olib borilgan qidiruv tadbirlari natijasida Shimkent shahri hududida qo‘lga olinib, O‘zbekistonga ekstraditsiya qilindi.
Qibray tumanida yashagan ushbu ayol F.U.ga (1962-yilda tug‘ilgan) Toshkent shahar prokuraturasi tomonidan 2003-yilda O‘zbekiston jinoyat kodeksining 97-moddasi (qasddan odam o‘ldirish) 1-qismi bilan qo‘zg‘atilgan jinoyat ishi bo‘yicha ayblanuvchi tariqasida jalb qilingan va u o‘tgan davr mobaynida tergov organlaridan yashirinib yurgan.
Izoh (0)