Ўта оғир турдаги жиноят содир этгани учун қарийб 20 йилдан буён қидирувда бўлган ўзбекистонлик аёл Қозоғистонда ушланди. Бу ҳақда вилоят ИИББ матбуот хизмати хабар берди.
Маълум қилинишича, «Зарбдор» тезкор-профилактик тадбири давоми ўта оғир турдаги жиноят содир этгани учун қарийб 20 йилдан буён қидирувда бўлган аёл 11 июнь куни вилоят ички ишлар бош бошқармаси тезкор ходимлари томонидан Қозоғистон полицияси билан ҳамкорликда олиб борилган қидирув тадбирлари натижасида Шимкент шаҳри ҳудудида қўлга олиниб, Ўзбекистонга экстрадиция қилинди.
Қибрай туманида яшаган ушбу аёл Ф.У.га (1962 йилда туғилган) Тошкент шаҳар прокуратураси томонидан 2003 йилда Ўзбекистон жиноят кодексининг 97-моддаси (қасддан одам ўлдириш) 1-қисми билан қўзғатилган жиноят иши бўйича айбланувчи тариқасида жалб қилинган ва у ўтган давр мобайнида тергов органларидан яшириниб юрган.
Изоҳ (0)