Ijtimoiy tarmoqlarda Toshkent shahar Ichki ishlar bosh boshqarmasi xodimlari Zo‘r TV telekanali hududidan barcha xodimlarni tashqariga chiqarayotgani, ichkariga ham hech kim kiritilmayotgani haqida xabar tarqaldi. Poytaxt IIBB holatga aniqlik kiritdi.
Qayd etilishicha, 6-iyul kuni soat 08:56 da Toshkent shahar IIBB navbatchilik qismiga Yashnobod tumanidagi Zo‘r TV telekanali joylashgan hududda 2 nafar noma’lum shaxs portlovchi modda o‘rnatayotgani haqida xabar kelib tushgan. Mazkur xabar asosida zudlik bilan Toshkent shahar IIBB xodimlari va boshqa mutaxassislar voqea joyiga yetib borgan.
Hudud o‘rganilganda portlovchi yoki hayot uchun xavfli bo‘lgan boshqa moddalar aniqlanmagan.
“Xabar o‘z tasdig‘ini topmadi, xavotirga asos yo‘q. Hozirda Zo‘r TV telekanali o‘z ish faoliyatini doimgidek olib bormoqda. Holat yuzasidan surishtiruv ishlari davom ettirilmoqda.
Shubhali holatga befarq bo‘lmagan fuqarolarga minnatdorchilik bildiramiz”, — deyiladi xabarda.
Izoh (0)