Ijtimoiy tarmoqlarda Jizzaxdagi zavodda kuchuk bolasi tiriklayin kuydirilgani aytilgan xabarlar va holat aks etgan foto tarqalgandi. Viloyat IIB holat yuzasidan surishtiruv natijalarini e’lon qildi.
Zafarobod tumani IIB xodimlari tomonidan ushbu xabar yuzasidan olib borilgan surishtiruv ishlari natijalariga ko‘ra, mazkur holatni sodir etgan shaxs “Xuaxin” o‘zbek-xitoy qo‘shma korxonasida mexanizator bo‘lib ishlovchi xitoylik Man Ming ekani aniqlandi.
Qayd etilishicha, mazkur holat yuzasidan Zafarobod tuman IIB hodimlari tomonidan Man Mingning hayvonlarga shavqatsiz munosabatda bo‘lgani sababli unga Ma’muriy javobgarlik to‘g‘risidagi kodeksning 111-moddasida (hayvonlarga nisbatan shafqatsiz munosabatda bo‘lish) ko‘rsatilgan huquqbuzarlikni sodir etgani tufayli ma’muriy bayonnoma rasmiylashtirildi.
Izoh (0)