Tashqi ishlar vaziri vazifasini bajaruvchi Vladimir Norov 5-iyul kuni Eron tashqi ishlar vaziri Husayn Amir Abdullahiyon bilan telefon orqali muloqot qildi. Bu haqda TIV axborot xizmati xabar qildi.
Qayd etilishicha, Abdullahiyon Eron tomoni O‘zbekiston rahbariyatining mamlakatda tinchlik, osoyishtalik va millatlararo totuvlikni ta’minlash borasidagi sa’y-harakatlarini to‘liq qo‘llab-quvvatlashini tasdiqlagan.
O‘zbekiston—Eron ko'p qirrali munosabatlarini, eng avvalo, siyosiy-diplomatik, savdo-iqtisodiy, madaniy-gumanitar sohalardagi aloqalarni kengayishning dolzarb masalalari ko‘rib chiqilgan. Bo‘lib o‘tadigan tadbirlarning turli jihatlari yuzasidan fikr almashilgan.
Tashqi siyosat mahkamalari rahbarlari bir-birlarini yaqinlashib kelayotgan Qurbon hayiti bilan tabriklagan.
Mavzuga doir:
- AQSH O‘zbekistonning hududiy yaxlitligini qo‘llab-quvvatlaydi — Davlat departamenti
- Vladimir Putin Shavkat Mirziyoyevning Qoraqalpog‘istondagi vaziyatni barqarorlashtirish bo‘yicha ko‘rgan choralarni qo‘llab-quvvatladi
- Rajab Toyyib Erdo‘g‘on Shavkat Mirziyoyevning Qoraqalpog‘istondagi tinchlikni ta’minlash bo‘yicha harakatlarini qo‘llab-quvvatladi
Izoh (0)