Ташқи ишлар вазири вазифасини бажарувчи Владимир Норов 5 июль куни Эрон ташқи ишлар вазири Ҳусайн Амир Абдуллаҳиён билан телефон орқали мулоқот қилди. Бу ҳақда ТИВ ахборот хизмати хабар қилди.
Қайд этилишича, Абдуллаҳиён Эрон томони Ўзбекистон раҳбариятининг мамлакатда тинчлик, осойишталик ва миллатлараро тотувликни таъминлаш борасидаги саъй-ҳаракатларини тўлиқ қўллаб-қувватлашини тасдиқлаган.
Ўзбекистон—Эрон кўп қиррали муносабатларини, энг аввало, сиёсий-дипломатик, савдо-иқтисодий, маданий-гуманитар соҳалардаги алоқаларни кенгайишнинг долзарб масалалари кўриб чиқилган. Бўлиб ўтадиган тадбирларнинг турли жиҳатлари юзасидан фикр алмашилган.
Ташқи сиёсат маҳкамалари раҳбарлари бир-бирларини яқинлашиб келаётган Қурбон ҳайити билан табриклаган.
Мавзуга доир:
- АҚШ Ўзбекистоннинг ҳудудий яхлитлигини қўллаб-қувватлайди — Давлат департаменти
- Владимир Путин Шавкат Мирзиёевнинг Қорақалпоғистондаги вазиятни барқарорлаштириш бўйича кўрган чораларни қўллаб-қувватлади
- Ражаб Тоййиб Эрдўғон Шавкат Мирзиёевнинг Қорақалпоғистондаги тинчликни таъминлаш бўйича ҳаракатларини қўллаб-қувватлади
Изоҳ (0)