Буюк Британия Россиянинг қиролликдаги музлатилган активларини мусодара қилиш ва Украинага ўтказиш имкониятини кўриб чиқмоқда. Бу ҳақда The Guardian хабар берди.
Газетанинг ёзишича, Буюк Британия ташқи ишлар вазири Лиз Трасс Буюк Британия Канададан ўрнак олиш ва россияликларнинг Буюк Британиядаги активларини Украинага ўтказиш учун уларни мусодара қилиш ниятида эканини айтди.
«Мен бу концепцияни қўллаб-қувватлайман. Биз буни диққат билан кузатиб боряпмиз. Канадаликлар аслида биз Ички ишлар вазирлиги ва Ғазначилик билан кўриб чиқаётган қонунни қабул қилди, лекин мен бу ғояга сўзсиз қўшиламан. Биз шунчаки бу масалада барча тафсилотларни ишлаб чиқишимиз керак», — дея Трассдан иқтибос келтиради нашри.
У Британия парламенти режани амалга оширишга имкон берувчи янги қонунни қабул қилиши кераклигини инкор этмади. Бироқ, вазир бусиз ҳам имкони бўлиши мумкинлигини қўшимча қилди.
Газетанинг таъкидлашича, мусодара қилинган маблағлар зарарни қоплаш кўринишида хусусий шахсларга ҳам, Украина расмийларига ҳам ўтказилиши мумкин.
Изоҳ (0)