Toshkent viloyati Quyi Сhirchiq tumanidagi savdo majmuasida 3-iyul kuni yong‘in yuz berdi. Favqulodda vaziyatlar vazirligi holat yuzasidan ma’lumot berdi.
Qayd etilishicha, tumanning Do‘stobod shaharchasi Bibixonim ko‘chasida joylashgan savdo majmuasida yong‘in sodir bo‘layotgani to‘g‘risida xabar tuman Favqulodda vaziyatlar bo‘limiga soat 13:22 da kelib tushgan. Shunga ko‘ra, 8 ta yong‘in-qutqaruv ekipaji soat 13:26 da voqea joyiga yetib borib, yong‘in soat 14:19 da o‘rab olingan va soat 14:32 da o‘chirilgan.
Dastlabki ma’lumotlarga ko‘ra yong‘in natijasida savdo majmuasining taxminan 400 kvadrat metr maydoni yonib zararlangan.
Hodisa oqibatida tan jarohati olgan va halok bo‘lganlar yo‘q. Hozirda yong‘inning kelib chiqish sababi va moddiy zarar miqdori aniqlanmoqda.
Shu kuni Namangan shahridagi bekatlarning birida do‘kon yonib ketgandi.
Mavzuga doir:
Izoh (0)