Ijtimoiy tarmoqlarda Qoraqalpog‘istonda ichimlik suvi zaharlangani haqida xabarlar tarqaldi. “Qoraqalpoq suv ta’minoti” MCHJ bunday xabarlar yolg‘on ekanini ma’lum qildi.
“Mazkur yolg‘on xabarlarga ishonmasliklaringizni so‘raymiz. Ichimlik suvining tarkibi qator mutasaddi tashkilotlar tomonidan nazorat qilinadi. Hozirda foydalanilayotgan ichimlik suvi ichishga yaroqli hisoblanadi”, — deyiladi xabarda.
Bundan avval Nukusda namoyishchilar qatnashgan yo‘l qonga belangani haqidagi xabarlar rad etilgandi. Rasmiylar bu namoyishga chiqqanlarni tarqatish uchun sepilgan rangli suv ekanini bildirib, provokatsiyalarga uchmaslikka chaqirgandi.
Mavzuga doir:
Izoh (0)