Farg‘onada O‘zbekiston gerbi qabul qilingan kun munosabati bilan maxsus avtokarvon yurishi va fleshmob o‘tkazildi, deya xabar berdi “Daryo” muxbiri Azizjon Ermatov.
Farg‘ona viloyati hokimligi va Yoshlar ishlari agentligi tomonidan tashkillashtirilgan tadbirlar Islom Karimov nomidagi viloyat teatr va konsert saroyi qarshisidagi ulkan bayroq yonidan boshlandi.
“Olamni mahliyo aylagan diyor” shiori ostida o‘tkazilgan tadbirda Milliy gvardiya, Sharqiy harbiy okrug qo‘shinlari qo‘mondonligi harbiy xizmatchilari, “Vatanparvar” tashkiloti vakillari hamda yoshlar ishtirok etdi.
Davlat ramzlari bilan jihozlangan maxsus avtomashinalar karvoni shahar ko‘chalari bo‘ylab tantanali yurish qilib, aholiga bayramona kayfiyat ulashdi.
Faxriy qorovul hamda harbiy orkestr ishtirokida aholi gavjum joylarda hamda istirohat bog‘larida targ‘ibot tadbirlari tashkil etildi. Davlat ramzlari bilan bog‘liq turli savol-javoblar, suhbatlar o‘tkazildi. Fleshmobning faol ishtirokchilariga sovg‘alar tarqatildi.
Mavzuga doir: Toshkentda o‘tgan san’at festivali — suratlarda
Izoh (0)