Фарғонада Ўзбекистон герби қабул қилинган кун муносабати билан махсус автокарвон юриши ва флешмоб ўтказилди, дея хабар берди «Дарё» мухбири Азизжон Эрматов.
Фарғона вилояти ҳокимлиги ва Ёшлар ишлари агентлиги томонидан ташкиллаштирилган тадбирлар Ислом Каримов номидаги вилоят театр ва концерт саройи қаршисидаги улкан байроқ ёнидан бошланди.
«Оламни маҳлиё айлаган диёр» шиори остида ўтказилган тадбирда Миллий гвардия, Шарқий ҳарбий округ қўшинлари қўмондонлиги ҳарбий хизматчилари, «Ватанпарвар» ташкилоти вакиллари ҳамда ёшлар иштирок этди.
Давлат рамзлари билан жиҳозланган махсус автомашиналар карвони шаҳар кўчалари бўйлаб тантанали юриш қилиб, аҳолига байрамона кайфият улашди.
Фахрий қоровул ҳамда ҳарбий оркестр иштирокида аҳоли гавжум жойларда ҳамда истироҳат боғларида тарғибот тадбирлари ташкил этилди. Давлат рамзлари билан боғлиқ турли савол-жавоблар, суҳбатлар ўтказилди. Флешмобнинг фаол иштирокчиларига совғалар тарқатилди.
Мавзуга доир: Тошкентда ўтган санъат фестивали — суратларда
Изоҳ (0)