Qibrayda kuchli ta’sir qiluvchi dori vositalarini muomalaga kiritmoqchi bo‘lganlar qo‘lga olindi

Toshkent viloyati Qibray tumanida kuchli ta’sir qiluvchi dori vositalarini muomalaga kiritilishining oldi olindi, deya xabar bermoqda Bosh prokuratura huzuridagi departament.

Bosh prokuratura huzuridagi departament, DXX va IIBning Qibray tumani bo‘limlari tomonidan o‘tkazilgan tezkor tadbirda, fuqarolar I.A., I.R. va A.S.lar o‘zaro til biriktirib, tarkibida kuchli ta’sir qiluvchi moddalar mavjud bo‘lgan 40 dona “Tropikamid” va 133 dona “Regopen” nomli dori vositalarini fuqaro A.ga 9,1 mln so‘mga sotgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining 251-1-moddasi (kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.