Toshkent viloyatida “tadbirkor” tomonidan 5 mlrd so‘mdan ortiq yoki 26 mingta xonadonning bir oylik iste’moliga teng bo‘lgan tabiiy gazdan noqonuniy ravishda foydalanilgani aniqlandi.
2022-yilning 30-iyun kuni O‘zbekiston Davlat xavfsizligi xizmati Energetika vazirligi huzuridagi “O‘zneftgazinspeksiya” bilan hamkorlikda navbatdagi nazorat tadbirini o‘tkazdi.
Tadbir davomida “Abdulloh Agro Fayz” MCHJga qarashli Toshkent tumani, “Chuvalachi” MFY hududida joylashgan issiqxona va parrandachilik sexi ko‘zdan kechirilganida, hech qanday asoslantiruvchi hujjatlarsiz o‘zboshimchalik bilan gaz hisoblagich o‘rnatmagan holda 2 dona ohak pishirish xumdonida 21 ta qo‘lbola gaz yondirgich orqali tabiiy gazdan noqonuniy ravishda foydalanib kelinayotganligi aniqlandi.
Gazta’minot korxonasi mutaxassislari tomonidan holat yuzasidan tegishli dalolatnoma rasmiylashtirildi va yetkazilgan zarar qayta hisob-kitob qilindi.
Hisob-kitoblarga asosan, mazkur korxona tomonidan davlat manfaatlariga yetkazilgan zarar miqdori 5 mlrd 226 mln 661 ming so‘mni yoki 26 mingta xonadonni bir oylik iste’moliga teng bo‘lgan tabiiy gaz talon-toroj qilingani ma’lum bo‘ldi.
Izoh (0)