O‘zbekistonda “tonirovka” uchun ruxsatnomani 1-iyuldan my.gov.uz portali orqali navbatlarsiz olish imkoniyati paydo bo‘ldi.
Yagona interaktiv davlat xizmatlari portali ruxsatnoma portal orqali rasmiylashtirilsa, 10 foizlik chegirma (2 million 160 ming so‘m bo‘ladi) berilishini ma’lum qildi va uni olish tartibini e’lon qildi.
Eslatib o‘tamiz, 2022-yil 1-iyuldan boshlab yengil avtotransport vositalarining orqa yon oynalari tusini o‘zgartirish (qoraytirish) uchun ruxsatnoma olish tartibi bekor qilindi.
Jismoniy va yuridik shaxslarning yengil avtotransport vositalari old yon oynalari tusini o‘zgartirishga (qoraytirishga) ruxsatnoma berganlik uchun to‘lov miqdori bazaviy hisoblash miqdorining sakkiz baravari (2,4 million so‘m) etib belgilandi.
“Tonirovka” uchun ruxsatnomani Yagona interaktiv davlat xizmatlari portali bilan bir qatorda ichki ishlar organlari yo‘l harakati xavfsizligi bo‘linmalari tomonidan ham olish mumkin.
Ushbu ruxsatnoma avtomobil sotilganda va davlat raqami o‘zgartirilganda ham saqlanib qoladi.
Mavzuga doir:
- “Yoz faslining uch oyi uchun ham alohida ruxsatnoma va narx bo‘lsa, yanayam qulay bo‘lardi”. Haydovchilar “tonirovka” masalasida yana nima istamoqda?
- “Yaqin 10-15 kun tonirovka qiladiganlarning oshig‘i olchi bo‘ladi”. O‘zbekistonliklar tonirovkaning arzonlashishi va tekin bo‘lishiga qanday munosabat bildirdi?
- “Tonirovka” narxi ancha yengillashtirildi, lekin jarimalar miqdori yuqoriligicha qolmoqda
Izoh (0)