Namangan viloyati Mingbuloq tumanida Lacetti YTHga uchrashi oqibatida haydovchi halok bo‘ldi. Bu haqda IIB JXX YHXB xabar berdi.
Ma’lum qilinishicha, 30-iyun kuni soat 23:30 larda, tumanning “Qozoqovul” MFY ichki yo‘lida Lacetti’ni boshqarib ketayotgan haydovchi boshqaruvni yo‘qotib, yo‘l chetiga ag‘anagan. Ag‘anash natijasida avtomobilda yong‘in sodir bo‘lgan.
Hodisa oqibatida haydovchi bosh miya ochiq shikasti tashxisi bilan voqea joyida vafot etgan.
Mazkur holat bo‘yicha tuman IIB huzuridagi Tergov bo‘limi tomonidan tergovga qadar tekshirish harakatlari olib borilmoqda.
Izoh (0)