O‘zbekistoning Andijon, Toshkent viloyatlari hamda Qoraqalpog‘iston Respublikasida xorijiy valyutani noqonuniy muomalaga kiritmoqchi bo‘lgan shaxslar ushlandi.
Bosh prokuratura huzuridagi departamentning Yangiyo‘l tuman bo‘limi tomonidan o‘tkazilgan tadbirda, “Farovon” to‘yxonasi oldida valyuta qimmatliklarini noqonuniy muomalaga kiritish faoliyati bilan shug‘ullanib kelgan fuqaro D.D. jami 3 500 AQSH dollarini fuqaro G‘.ga 38,1 million so‘mga sotgan vaqtida ashyoviy dalillar bilan ushlangan.
Shu kabi, Departamentning Kegeyli tuman bo‘limi tomonidan IIV xodimlari bilan hamkorlikda o‘tkazilgan tezkor tadbirda, Nukus shahridagi savdo majmuasi avtoturargohi oldida valyuta qimmatliklarini noqonuniy muomalaga kiritish faoliyati bilan shug‘ullanib kelgan fuqaro R.M. jami 3 300 AQSH dollarini fuqaro D.ga 35,4 million so‘mga sotgan vaqtida ashyoviy dalillar bilan ushlangan.
Shuningdek, Andijon viloyat boshqarmasi tomonidan o‘tkazilgan tezkor tadbirda, Baliqchi tumanida valyuta qimmatliklarini noqonuniy muomalaga kiritish faoliyati bilan shug‘ullanib kelgan fuqaro S.T. jami 3 100 AQSH dollarini fuqaro Q.ga 33,7 mln so‘mga sotgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishlari qo‘zg‘atilib, tergov harakatlari o‘tkazilmoqda.
Mavzuga doir:
- Toshkentda elektrdan qarzdorlikni kamaytirib berish uchun pora olgan elektr tarmoqlari korxonasi xodimi ushlandi
- Namangan viloyati XTB mansabdorlari sport anjomlarini haqiqiy bahosidan qimmat narxlarda xarid qilgani aniqlandi
- Samarqandda 3,7 ming dollarni 40 mln so‘mdan ziyodga pullamoqchi bo‘lgan valyutafurush ushlandi
Izoh (0)