Farg‘ona viloyatining Marg‘ilon shahrida joylashgan savdo markazidagi do‘konda yong‘in sodir bo‘ldi. Bu haqda “Daryo” muxbiri xabar berdi.
Ma’lum qilinishicha, “Teraktagi” MFY Istiqbol ko‘chasida yashovchi 1994-yilda tug‘ilgan yakka tartibdagi tadbirkor R.O.ga tegishli savdo do‘konining birinchi va ikkinchi qavati, ichi hamda tomining 40 metr/kvadrat qismi yongan. Sodir bo‘lgan yong‘in 15:03 da butunlay o‘chirilgan.
Yong‘in oqibatida jabrlangan va halok bo‘lganlar yo‘q.
“Yong‘in qutqaruvchilarning tezkor harakatlari natijasida do‘konning 1000 metr/kvadrati saqlab qolingan”, — deydi viloyat Favqulodda vaziyatlar boshqarmasi mas’uli.
Hozirda sodir bo‘lgan yong‘inning sababi va yetkazilgan zarari aniqlanmoqda.
Izoh (0)