Toshkentda Afg‘oniston bo‘yicha xalqaro konferensiya o‘tkazilishi haqida xabar berilgandi. TIV matbuot xizmarti ushbu konferensiya 25—26-iyul kunlari bo‘lib o‘tishini ma’lum qildi.
Qayd etilishicha, unda 20 dan ortiq mamlakat va xalqaro tashkilotlar delegatsiyalari ishtirok etadi.
Tadbirning asosiy maqsadi Afg‘onistonda barqarorlik, xavfsizlik, urushdan keyingi tiklanishga ko’maklashish, ko‘p millatli afg‘on xalqi va butun dunyo manfaatlari yo‘lida ushbu mamlakatni mintaqaviy hamkorlik jarayonlariga integratsiyalashuvi masalalari bo‘yicha jahon hamjamiyatining yondashuvlariga doir kompleks chora-tadbirlar va takliflarni ishlab chiqishdan iboratdir.
Ma’lumot uchun, Toshkentda 2018-yil martida Afg‘oniston masalasida “Tinchlik jarayoni, xavfsizlik sohasida hamkorlik va mintaqaviy sheriklik” mavzusida xalqaro konferensiya, 2021-yil iyulida esa “Markaziy va Janubiy Osiyo: Mintaqaviy bog‘liqlik. Tahdidlar va imkoniyatlar” mavzusida xalqaro konferensiya o‘tkazilgan edi.
TIV xabarida aytilishicha, bo‘lib o‘tishi kutilayotgan yangi yuqoridagi xalqaro konferensiyasining mantiqiy davomi bo‘ladi.
Izoh (0)