Фарғона вилоятининг Марғилон шаҳрида жойлашган савдо марказидаги дўконда ёнғин содир бўлди. Бу ҳақда «Дарё» мухбири хабар берди.
Маълум қилинишича, «Терактаги» МФЙ Истиқбол кўчасида яшовчи 1994 йилда туғилган якка тартибдаги тадбиркор Р.О.га тегишли савдо дўконининг биринчи ва иккинчи қавати, ичи ҳамда томининг 40 метр/квадрат қисми ёнган. Содир бўлган ёнғин 15:03 да бутунлай ўчирилган.
Ёнғин оқибатида жабрланган ва ҳалок бўлганлар йўқ.
«Ёнғин қутқарувчиларнинг тезкор ҳаракатлари натижасида дўконнинг 1000 метр/квадрати сақлаб қолинган», — дейди вилоят Фавқулодда вазиятлар бошқармаси масъули.
Ҳозирда содир бўлган ёнғиннинг сабаби ва етказилган зарари аниқланмоқда.
Изоҳ (0)