“Yangi O‘zbekiston” bog‘ida prezident Shavkat Mirziyoyev ishtirokida Yoshlar kuniga bag‘ishlangan tantanali tadbir bo‘lib o‘tdi. Unda davlat rahbari yangi Konstitutsiya haqida gapirib o‘tdi.
“Albatta, yangilanayotgan Konstitutsiya, bu – sizlarning Konstitutsiyangiz!
Yangilanayotgan Konstitutsiyamizda ham yoshlarning huquqlari va qonuniy manfaatlari ustuvor ahamiyat kasb etadi.
Shu munosabat bilan sizlarga, butun mamlakatimiz yoshlariga murojaat qilib aytmoqchiman:
Hech qachon unutmang, sizlar inson har tomonlama erkin, ozod va farovon yashaydigan, Yangi O‘zbekistonni hamda Uchinchi Renessansning bunyodkorlarisiz.
Ana shunday sharafga munosib bo‘lish yo‘lidagi intilishlaringiz va hayotda o‘z o‘rningizni topishingiz uchun bundan keyin ham bor kuch va imkoniyatlarni to‘liq safarbar etamiz.
Men prezident sifatida sizlar o‘z oldingizga qo‘ygan reja va marralarga erishishingiz uchun barcha sharoitlarni yaratib berishga tayyor ekanimni bugun yana bir bor ta’kidlamoqchiman.
Bugun sizlarning yonib turgan ko‘zlaringiz, shodlikka to‘la go‘zal chehrangizga qarab, akademik shoirimiz G‘afur G‘ulomning:
Siz axir osmonni olmoq bo‘lsangiz,
Ne uchun yelkamni tutib bermayin?
– degan otashin satrlari yodimga tushmoqda”, – dedi prezident.
Mavzuga doir:
- “Men nafaqat O‘zbekiston, balki g‘urur bilan Qoraqalpog‘iston farzandiman ham deya olaman” — Shavkat Mirziyoyev
- “Men yoshlar yetakchilari timsolida bo‘lajak hokimlar va vazirlarni ko‘raman” — Shavkat Mirziyoyev
- “IT texnologiyalari bo‘yicha o‘qish istagini bildirgan yoshlarga ham 20 million so‘mgacha miqdorda 4 yillik imtiyozli kredit taqdim etiladi” — prezident
Izoh (0)