“Yangi O‘zbekiston” bog‘ida prezident Shavkat Mirziyoyev ishtirokida Yoshlar kuniga bag‘ishlangan tantanali tadbir bo‘lib o‘tmoqda, deb xabar berdi “Daryo” muxbiri.
Prezidentning aytishicha, 2022-yildan boshlab 36 ta sport federatsiyasi, 274 ta sport maktabi o‘z hududidagi mahallalar, o‘rta maktablar, kollej va texnikumlar bilan hamkorlikda ishlaydi.
“Har bir ko‘cha, mahalla, maktab, kollej va texnikumda futbol, basketbol, voleybol, stol tennisi, velosport, yugurish, shaxmat-shashka va boshqa sport turlari bo‘yicha jamoalar tuziladi.
Bundan buyon, barcha sport musobaqalari “mahalla – tuman – viloyat – respublika” zanjiri asosida tashkil etiladi”, — deydi Shavkat Mirziyoyev.
Davlat rahbarining ta’kidlashicha, bundan buyon har yili oliygohlarning sirtqi bo‘limiga o‘qishga qabul qilingan 500 nafar eng faol yoshlar yetakchilarining kontrakt to‘lovlari Yoshlar ishlari agentligi tomonidan to‘lab beriladi.
“Shuningdek, yosh rahbar kadrlar zaxirasi shakllantirilib, uning 30 foizi yoshlar yetakchilari hisobidan to‘ldiriladi. Men yoshlar yetakchilari timsolida bo‘lajak hokimlar va vazirlarni, yirik bank va kompaniyalar, davlat va nodavlat tashkilotlar, siyosiy partiyalar liderlarini ko‘raman”, — deydi Shavkat Mirziyoyev.
Mavzuga doir:
- “Internet tarmog‘ida o‘zbek milliy kontentini rivojlantirish dasturi amalga oshiriladi” — prezident
- Shavkat Mirziyoyev: “Respublika bilim bellashuvlarida yuqori natijalarga erishgan 70 nafar o‘quvchi davlat hisobidan Buyuk Britaniyaga safarga yuboriladi”
- “IT texnologiyalari bo‘yicha o‘qish istagini bildirgan yoshlarga ham 20 million so‘mgacha miqdorda 4 yillik imtiyozli kredit taqdim etiladi” — prezident
Izoh (0)