“Yangi O‘zbekiston” bog‘ida prezident Shavkat Mirziyoyev ishtirokida Yoshlar kuniga bag‘ishlangan tantanali tadbir bo‘lib o‘tmoqda, deb xabar berdi “Daryo” muxbiri.
Shavkat Mirziyoyevning aytishicha, o‘zbek davlatchiligi tarixini matnli va videokontentlar orqali targ‘ib qilishga alohida e’tibor qaratish kerak.
“Shuningdek, yurtimizdan yetishib chiqqan 100 nafar buyuk alloma va mutafakkirlarning Internetdagi ma’lumotlar bazasini yaratish, ularning asarlarini ommalashtirish choralarini ko‘ramiz. Wikipedia’da o‘zbek tilidagi maqolalar sonini 100 mingtaga yetkazish va xorijiy tillarda ham O‘zbekiston haqidagi ma’lumotlarni joylashtirish yaxshi samara berishi, shubhasiz. Ushbu maqsadlar uchun, 10 milliard so‘m mablag‘ yo‘naltiriladi”, — deydi davlat rahbari.
Ta’kidlanishicha, bunday tadbirlarga, bilimli va shijoatli volontyor yoshlarni jalb qilish hamda ularning faoliyatini tizimli ravishda rag‘batlantirib borish lozim.
Mavzuga doir:
- Shavkat Mirziyoyev: “Respublika bilim bellashuvlarida yuqori natijalarga erishgan 70 nafar o‘quvchi davlat hisobidan Buyuk Britaniyaga safarga yuboriladi”
- “IT texnologiyalari bo‘yicha o‘qish istagini bildirgan yoshlarga ham 20 million so‘mgacha miqdorda 4 yillik imtiyozli kredit taqdim etiladi” — prezident
- “14-17 yosh oralig‘idagi 3 mln nafar yoshlarga ‘yoshlar daftari’dagi imtiyoz va yengilliklardan foydalanish imkoniyati yaratiladi” — Shavkat Mirziyoyev
Izoh (0)