O‘zbekiston maktablarida ishlayotgan o‘qituvchilarning qanchasida oliy ma’lumot yo‘qligi ma’lum qilindi

O‘zbekiston maktablarida 2021/2022-o‘quv yili boshiga ko‘ra jami 510 046 nafar o‘qituvchi ishlamoqda.

Davlat statistika qo‘mitasi ma’lumotlariga ko‘ra, ularning 53,1 foizi qishloq maktablarida va 46,9 foizi shahar maktablarida faoliyat yuritib kelmoqda.

Ushbu o‘qituvchilarning 90,1 foizi oliy ma’lumotga, 9,9 foizi esa o‘rta maxsus ma’lumotga ega.

Qayd etilishicha, respublikadagi umumta’lim muassasalarida bitta o‘qituvchiga o‘rtacha 12 nafar o‘quvchi to‘g‘ri kelmoqda. Ularning nisbati Toshkent shahrida yuqori.

Eslatib o‘tamiz, xalq ta’limi vaziri Baxtiyor Saidov O‘zbekistondagi maktablarda faoliyat yurituvchi o‘qituvchilar 50 foizidan ortig‘ining salohiyati talab darajasida emasligini aytgandi.

Mavzuga doir: 

• O‘zbekistondagi kasb-hunar maktablarining bo‘sh maydonlarida ishlab chiqarish sexlari tashkil etiladi
• O‘zbekistonda o‘qituvchilar malaka toifasi uchun to‘lanadigan ustama o‘rtasidagi farq 2 barobarga oshiriladi