Rossiyaning “Ximki” jamoasi Oston O‘runov bilan muzokara olib bormoqda, deya xabar beradi “Chempionat” nashri.
Klub futbolchini ijaraga olish yoki “Spartak” u bilan shartnomani bekor qilsa, erkin agent sifatida o‘z safiga qo‘shib olish imkoniyatlarini ko‘rib chiqmoqda.
Avvalroq “Spartak” Oston bilan shartnomani bekor qilmoqchi ekanligi xabar qilingandi. O‘runovning moskvaliklar bilan amaldagi shartnomasi 2025-yilning yoziga qadar mo‘ljallangan.
O‘zbekistonlik futbolchi 2020-yil fevral oyida “Ufa” bilan shartnoma imzolagan. Mavsum so‘ngida esa “Spartak”ning o‘sha vaqtlardagi bosh direktori Shamil Gazizov O‘runovni Moskva klubiga olib kelgan (aynan Gazizov futbolchini “Ufa”ga ham taklif qilgandi). 2020-yil dekabr oyida Gazizov o‘z lavozimini tark etdi va “Ufa”ga qaytib bordi. Shundan so‘ng ufaliklar Ostonni 2020/21-yilgi mavsum so‘ngiga qadar ijaraga oldi. O‘runovning ijara muddati 2021/22-yilga qadar uzaytirilgandi.
Izoh (0)