Kremenchugdagi savdo markaziga tashlangan raketa oqibatlari. Xarkov yaqinida rus askarlarining nomsiz qabrlari. Urushning 125-kunidan fotoreportaj
Kremenchugdagi “Amstor” savdo markazi o‘qqa tutilib, kamida 20 kishi halok bo‘lganidan keyin 28-iyun kuni BMT Xavfsizlik kengashi shoshilinch yig‘ilish chaqirdi. Ukraina prezidenti Vladimir Zelenskiy yig‘ilishda so‘zga chiqib, Rossiyani terrorchilik homiysi deb e’lon qilishni talab qildi. Turkiya Shvetsiya va Finlyandiyaning NATOga a’zo bo‘lish haqidagi arizalarini qo‘llab-quvvatlashga rozi bo‘ldi. Bolgariya esa 70 nafar rossiyalik diplomatni hududidan chiqarib yuborishini ma’lum qildi. AQSH Rossiyaga qarshi yangi sanksiyalar kiritdi. Ularning ostiga 57 kishi va 100 dan ortiq kompaniya (jumladan KamAZ) tushdi. Meduza urushning 125-kuniga oid asosiy fotosuratlarni jamladi.
Odessa
Ukraina armiyasining Odessa yaqinidagi dala lageri. Rossiya bosqinining boshidan beri shahar va uning atrofida janglar bo‘lgani yo‘q, ammo u muntazam ravishda raketa hujumlariga uchramoqda.Foto: EPA
Kremenchug
27-iyun kuni Rossiyaning X-22 qanotli raketasi qulagan “Amstor” savdo markazi supermarketidagi yonib ketgan javonlar. O‘shanda Rossiya rasmiylarining bayonotlariga qaramay, savdo markazi ochiq va tashrif buyuruvchilar bilan gavjum edi. Kamida 20 kishi halok bo‘ldi, yana 40 ga yaqin kishi bedarak yo‘qolgan.Foto: AFP
“Amstor” savdo markazidagi vayronalar ko‘zdan kechirilmoqda.Foto: EPA
Ukrainalik o‘t o‘chiruvchilar Rossiya aviazarbasidan keyingi yong‘inni o‘chirib bo‘lib dam olmoqda.Foto: Reuters
Rossiya raketasi tomonidan vayron qilingan savdo markazi oldida to‘plangan odamlar. G7 yetakchilari 28-iyun, seshanba kungi qo‘shma bayonotida hujumni urush jinoyati deb atadi.Foto: EPA
Rossiya hujumi paytida jabrlanganlardan biriga tibbiy yordam ko‘rsatilmoqda.Foto: EPA
Xarkov
Ko‘ngillilar “Noma’lum” belgisi bilan ko‘milgan rus askarining jasadini eksgumatsiya qilishda yordam bermoqda.Foto: Reuters
Qutqaruvchilar Rossiya aviazarbasidan vayron bo‘lgan maktab binosi vayronalarini tozalamoqda. 28-iyun kuni Xarkov viloyatining o‘qqa tutilishi oqibatida ikki nafar mahalliy aholi halok bo‘ldi.Foto: AFP
Front chizig‘iga yaqin joyda yashovchi xarkovliklar ko‘ngillilar tayyorlayotgan taom uchun navbatda turibdi.Foto: EPA
Kiyev
Hujumlardan himoyalash uchun qum qoplari bilan o‘rab qo‘yilgan haykal. Bir necha haftalik tanaffusdan so‘ng Rossiya Kiyevni yana o‘qqa tuta boshlandi. 26-iyun, yakshanba kuni ko‘p qavatli uyga raketa tushishi oqibatida bir kishi halok bo‘ldi, yana olti kishi yaralandi.Foto: Getty Images
Kiyevliklar shahar ko‘chalarida tankka qarshi to‘siqlar yonidan o‘tmoqda.Foto: Getty Images
Izoh (0)