Кременчугдаги «Амстор» савдо маркази ўққа тутилиб, камида 20 киши ҳалок бўлганидан кейин 28 июнь куни БМТ Хавфсизлик кенгаши шошилинч йиғилиш чақирди. Украина президенти Владимир Зеленский йиғилишда сўзга чиқиб, Россияни террорчилик ҳомийси деб эълон қилишни талаб қилди. Туркия Швеция ва Финляндиянинг НАТОга аъзо бўлиш ҳақидаги аризаларини қўллаб-қувватлашга рози бўлди. Болгария эса 70 нафар россиялик дипломатни ҳудудидан чиқариб юборишини маълум қилди. АҚШ Россияга қарши янги санкциялар киритди. Уларнинг остига 57 киши ва 100 дан ортиқ компания (жумладан КамАЗ) тушди. Meduza урушнинг 125-кунига оид асосий фотосуратларни жамлади.
Одесса
Украина армиясининг Одесса яқинидаги дала лагери. Россия босқинининг бошидан бери шаҳар ва унинг атрофида жанглар бўлгани йўқ, аммо у мунтазам равишда ракета ҳужумларига учрамоқда.Фото: EPA
Кременчуг
27 июнь куни Россиянинг Х-22 қанотли ракетаси қулаган «Амстор» савдо маркази супермаркетидаги ёниб кетган жавонлар. Ўшанда Россия расмийларининг баёнотларига қарамай, савдо маркази очиқ ва ташриф буюрувчилар билан гавжум эди. Камида 20 киши ҳалок бўлди, яна 40 га яқин киши бедарак йўқолган.Фото: AFP
Украиналик ўт ўчирувчилар Россия авиазарбасидан кейинги ёнғинни ўчириб бўлиб дам олмоқда.Фото: Reuters
Россия ракетаси томонидан вайрон қилинган савдо маркази олдида тўпланган одамлар. G7 етакчилари 28 июнь, сешанба кунги қўшма баёнотида ҳужумни уруш жинояти деб атади.Фото: EPA
Россия ҳужуми пайтида жабрланганлардан бирига тиббий ёрдам кўрсатилмоқда.Фото: EPA
Харьков
Кўнгиллилар «Номаълум» белгиси билан кўмилган рус аскарининг жасадини эксгумация қилишда ёрдам бермоқда.Фото: Reuters
Қутқарувчилар Россия авиазарбасидан вайрон бўлган мактаб биноси вайроналарини тозаламоқда. 28 июнь куни Харьков вилоятининг ўққа тутилиши оқибатида икки нафар маҳаллий аҳоли ҳалок бўлди.Фото: AFP
Фронт чизиғига яқин жойда яшовчи харковликлар кўнгиллилар тайёрлаётган таом учун навбатда турибди.Фото: EPA
Киев
Ҳужумлардан ҳимоялаш учун қум қоплари билан ўраб қўйилган ҳайкал. Бир неча ҳафталик танаффусдан сўнг Россия Киевни яна ўққа тута бошланди. 26 июнь, якшанба куни кўп қаватли уйга ракета тушиши оқибатида бир киши ҳалок бўлди, яна олти киши яраланди.Фото: Getty Images
Киевликлар шаҳар кўчаларида танкка қарши тўсиқлар ёнидан ўтмоқда.Фото: Getty Images
Изоҳ (0)