Britaniya bosh vaziri Boris Jonson NATOga a’zo davlatlarni Ukrainadagi voqealardan kelib chiqib, harbiy xarajatlarni oshirishga chaqirdi. Bu haqda Daily Telegraph gazetasi Britaniya hukumati rahbari nutqidan parchalarga tayanib xabar berdi.
Britaniya bosh vaziri yaqin 10 yil ichida NATO atrofidagi tahdidlar faqat kuchayishini da’vo qilmoqda. “Kelgusi o‘n yillikda tiyib turish va xavfsiz mudofaani oshirish uchun barcha ittifoqchilar o‘z zaxiralaridan yanada kengroq foydalanishi kerak”, — deyiladi bayonotda.
Shuningdek, Buyuk Britaniyaning o‘zi yalpi ichki mahsulotning 2,3 foizini harbiy ehtiyojlarga sarflayotgani ko‘rsatilgan. Shu bilan birga, hukmron Konservativ partiyaning 2019-yilgi saylovoldi dasturida hukumat har yili mudofaa uchun mablag‘ ajratishni rejalashtirayotgani, uning yalpi ichki mahsulotdagi ulushi inflyatsiyadan 0,5 foizga oshishi haqida band bor edi.
Avvalroq Jonson G7 va NATOni Ukrainada “yomon tinchlik” o‘rnatishga undamaslikka chaqirgan edi. “Hozir ukrainaliklarni yomon tinchlikka, o‘t ochishni to‘xtatish evaziga o‘z hududlarining bir qismidan voz kechish taklif qilinadigan tinchlikka rozi bo‘lishga undash vaqti emas. Fikrimcha, bu falokat bo‘ladi”, — dedi bosh vazir.
Izoh (0)