Farg‘ona viloyatining Bag‘dod tumanida davlat resursidan ajratilgan un mahsulotini qimmat narxlarda sotib yuborish holati aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Bag‘dod tuman bo‘limi tomonidan tergovga qadar tekshiruv o‘tkazilgan. Tekshiruv davomida fuqaro A.A. otasi A. va qarindoshi X.ning nomiga yakka tartibdagi tadbirkorlik subyektlarini tashkil qilib, amalda o‘zi norasmiy rahbarlikni amalga oshirib kelgan. U imzolarini soxtalashtirish orqali “Bag‘dod don mahsulotlari” AJdan to‘g‘ridan to‘g‘ri tuzilgan shartnomalarga asosan davlat resurslari hisobidan ajratilgan umumiy bahosi 420,6 million so‘mlik 151,4 tonna un mahsulotini 2022-yilning fevral—aprel oylari uchun dislokatsiyada belgilangan 19 ta mahallalarga arzonlashtirilgan narxlarda yetkazib bermasdan, Marg‘ilon shahri hududida boshqa shaxslarga qimmat narxlarda sotib yuborgani aniqlangan.
Mazkur holat yuzasidan Jinoyat kodeksining 192-11-moddasi (Nodavlat tijorat tashkilotida yoki boshqa nodavlat tashkilotida mansabdor shaxslar tomonidan o‘z vakolatlarini suiiste’mol qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Namangan va Farg‘onada aholiga ajratilgan 65 tonna un qimmat narxlarda sotib yuborilgani aniqlandi
- Toshkent viloyatida ijaradagi 30 sotix yerni qariyb 340 mln so‘mga sotgan shaxslar ushlandi
- Surxondaryoda 741 mln so‘mdan ortiq budjet mablag‘larini talon-toroj qilgan viloyat perinatal markazi mutasaddilariga jinoyat ishi qo‘zg‘atildi
Izoh (0)