Adabiyotshunos olim, filologiya fanlari doktori, professor Ibrohim Haqqul 73 yoshda vafot etdi. Bu haqda O‘zbekiston jurnalistlari ijodiy uyushmasi xabar berdi.
Filologiya fanlari doktori Ibrohim Haqqul 1949-yil 28-martda Buxoro viloyati Shofirkon tumani Talija qishlog‘ida ziyoli oilasida tug‘ilgan. O‘rta maktabni tugatgach, 1966—1970-yillarda Buxoro davlat pedagogika institutida tahsil olgan.
Ibrohim Haqqul 1970—1972-yillarda “Shofirkon haqiqati” gazetasida bo‘lim boshlig‘i va muharrir vazifalarida ishlagan.
Uning “Navoiy va Mavlono Ashraf”, “Daryo kabi hamisha uyg‘oq...” kabi ilk adabiy maqolalari shu gazetada bosilib chiqqan.
Olim 1972-yildan to hozirga qadar Alisher Navoiy nomidagi Til va adabiyot institutida faoliyat yuritib kelayotgan edi.
Ibrohim Haqqul 1976-yili “O‘zbek adabiyotida ruboiy” mavzusida nomzodlik, 1995-yili “O‘zbek tasavvuf she’riyatining shakllanishi va taraqqiyoti” mavzusida doktorlik dissertatsiyasini himoya qilgan.
Izoh (0)