«Ўзгидромет» 29 июндан 3 июлгача бўлган даврда тоғларда кутилаётган юқори ҳарорат фони ҳисобига Қирғизистон ҳудудидан Фарғона вилояти тоғолди ва тоғли ҳудудларида сел хавфидан огоҳлантирди.
Маълум қилинишича, Сўх, Фарғона туманларида ҳамда Сўх, Шоҳимардон, Исфайрамсой дарёларида гляциал (муз) сел-сув тошқин ҳодисалари юзага келиши мумкин.
«Тоғолди ва тоғли ҳудудларда истиқомат қилувчи фуқароларни, дам олувчиларни ҳамда тоғли ҳудудларда ҳаракатланувчи ҳайдовчиларни эҳтиёткорлик чораларини кўришларини сўраймиз», — дейилади хабарда.
Эслатиб ўтамиз, Гидрометеорология хизмати маркази 25—29 июнь кунлари Ўзбекистон ҳудудига Туркманистон орқали Эрон ҳудудларидан иссиқ ҳаво кириб келишини маълум қилганди. «Ўзгидромет»нинг прогнозларига кўра, республикада ҳарорат 45 даражагача кўтарилади ва бу аномал аномал иссиқ об-ҳаво ҳафта охиригача сақланиб қолади.
Изоҳ (0)