O‘zbekistonda “tonirovka” ruxsatnomasi avtotransport vositasining egasi o‘zgarganda yoki davlat raqami almashtirilganda ham saqlanib qoladi. Bu haqda “Avtotransport vositalaridan foydalanishda aholiga qo‘shimcha qulayliklar yaratish chora-tadbirlari to‘g‘risida”gi qarori keltirilgan.
Hujjat bilan Ichki ishlar vazirligiga manfaatdor vazirlik va idoralar bilan birgalikda 2022-yil 1-sentabrga qadar oynalari tusini o‘zgartirishga (qoraytirishga) ruxsat berilgan avtotransport vositasiga bo‘lgan egalik huquqi o‘zgarganda, davlat raqami belgisi almashtirilganda yoki avtotransport vositasi egasining ma’lumotlarida o‘zgarish bo‘lganda avtotransport vositalari oynalarining tusini o‘zgartirishga (qoraytirishga) berilgan ruxsatnomaning amal qilish muddatini avtomatik tarzda saqlab qolish tartibini joriy etish topshirilgan.
Hozirda “tonirovka” uchun ruxsatnoma 1 yil muddatga beriladi.
Bundan tashqari, avtotransport vositalari oynalarining tusini o‘zgartirishga (qoraytirishga) ruxsatnoma berish Yagona interaktiv davlat xizmatlari portali bilan bir qatorda ichki ishlar organlari yo‘l harakati xavfsizligi bo‘linmalari tomonidan ham amalga oshirish tartibi joriy etiladi.
Shu bilan birga, 2022-yil 1-iyuldan boshlab:
- yengil avtotransport vositalarining orqa yon oynalari tusini o‘zgartirish (qoraytirish) uchun ruxsatnoma olish tartibi bekor qilindi;
- jismoniy va yuridik shaxslarning yengil avtotransport vositalari old yon oynalari tusini o‘zgartirishga (qoraytirishga) ruxsatnoma berganlik uchun to‘lov miqdori bazaviy hisoblash miqdorining sakkiz baravari (2,4 million so‘m) etib belgilandi.
Mavzuga doir: Komil Allamjonov issiq kunlarda mashinalar “tonirovka”sini bepul qilish taklifi bilan chiqdi
Izoh (0)