AQSH Moliya vazirligi Rossiyaga qarshi yangi sanksiyalar paketini e’lon qildi. Unda mamlakatga Rossiya oltinini olib kirishni taqiqlash ham joy olgan. Istisno tariqasida “qonun bilan nazarda tutilgan” holatlar va OFAC — Chet el aktivlarini nazorat qilish idorasining boshqa ruxsatnomalari ko‘rsatilgan.
AQSh G‘aznachiligining aniqlik kiritishicha, yangi cheklov shu kungacha Rossiya Federatsiyasidan tashqarida bo‘lgan rus oltinga taalluqli emas.
Katta yettilik sammitida e’lon qilinganidek, AQSH Rossiya oltiniga qarshi, oldinroq Buyuk Britaniya, Kanada va Yaponiya tomonidan qo‘llab-quvvatlangan sanksiyalarga qo‘shildi. Yangi taqiq joriy etilishidan oldin ham Rossiya oltini bilan bog‘liq ba’zi operatsiyalar cheklangan edi.
OFAC AQSH fuqarolarini hushyor bo‘lish va oltin bilan bog‘liq operatsiyalarda bilan yangi qoidalarni chetlab o‘tishga urinmaslik haqida ogohlantirdi.
Rossiyaning bir qator kompaniyalari ham AQSH sanksiyalari ostida qoldi, masalan, “KamAZ”, “Tupolev”, “OAK”, “Irkut” va “Rostex”. Vashington rossiyalik teleboshlovchi Tina Kandelaki, Rossiyaning sobiq mudofaa vaziri Anatoliy Serdyukov va uning oila a’zolariga nisbatan ham shaxsiy sanksiyalar kiritdi. Hammasi bo‘lib, sanksiyalar ro‘yxatiga 45 kompaniya va 29 jismoniy shaxs kiritilgan.
O‘tgan hafta Yevropa Kengashi rahbari Charlz Mishel Yevropa Ittifoqi Rossiya oltini importiga embargo qo‘yish imkoniyatini ko‘rib chiqishga tayyorligini aytgandi. Taqiq yangi oltin partiyalariga ta’sir qiladi va allaqachon sotib olingan partiyalarga ta’sir qilmaydi.
Izoh (0)