Moskvaning Xamovnicheskiy sudi politsiyachilarning qonuniy talablariga bo‘ysunmaganlikda ayblangan siyosatchi Ilya Yashinni o‘n besh kunlik qamoq jazosiga hukm qildi.
Ilya Yashin 28-iyunga o‘tar kechasi Xamovnikidagi bog‘da sayr qilayotganida qo‘lga olindi, deydi voqeaga guvoh bo‘lgan jurnalist Irina Babloyan. Politsiya Yashin hibsga olish vaqtida ularni haqorat qilgani ma’lum qilgan, ammo bu haqiqat emas, deya qo‘shimcha qiladi Babloyan.
Yashinning o‘zi unga nisbatan qo‘zg‘atilgan ma’muriy ishni uydirma deb atadi. Telegram-kanalida u suddagi nutqi matnini e’lon qildi.
“Men oppozitsiya siyosatchisiman. Mustaqil deputat, prezident Putinning tanqidchisi va Ukraina bilan urushning muxolifi. Bu hibsga olish menga bosim o‘tkazish usulidir.
Ehtimol, bu kecha Moskvada boshlangan munitsipal saylovlar bilan bog‘liq bo‘lishi mumkin. Ular saylov kampaniyasini tashkil etishga xalaqit berish maqsadida meni izolyatsiya qilishga urinmoqda. So‘nggi kunlarda shahar bo‘ylab mustaqil mundepning bir qator a’zolari hibsga olinishi kuzatildi.
Tan olamanki, mening hibsga olinganim kelajakdagi jinoiy ish uchun muqaddimadir. Mening o‘rtog‘im Vladimir Kara-Murza ham avval hibsga olindi, u urushga qarshi chiqishlari uchun qo‘zg‘atilgan jinoiy ish bo‘yicha maxsus qamoqxonadan to‘g‘ridan to‘g‘ri tergov izolyatoriga yuborildi”.
Ilya Yashin Rossiyada qolgan va Ukraina bilan urushga ochiqdan-ochiq qarshi chiqqan kam sonli muxolif siyosatchilardan biri.
Izoh (0)