Давлат статистика қўмитаси 2022 йил январь—апрель ойлари бўйича чакана савдо айланмасини эълон қилди.
Ўзбекистон бўйича чакана савдо айланмаси 108,2 млрд сўмни, яъни 2021 йилнинг январь—май ойларига нисбатан 110,1 фоизни ташкил этди.
Барча ҳудудларда ўсиш суръатлари кузатилди. Таркибий қисмлари 78,4 фоиз кичик бизнес ва хусусий тадбиркорлик субъектлари ва 21,6 фоиз йирик корхоналар ҳиссасига тўғри келди.
Товар айланмасида энг юқори улуш Тошкент шаҳрида — 25,6 фоиз, яъни 27,6 млрд сўм.
Кейинги ўринларда Тошкент (10,9 млрд сўм), Самарқанд (9 млрд сўм) ва Фарғона (8,7 млрд сўм) вилоятлари жойлашган.
Ўзбекистон чакана савдо товар айланмасида энг қуйи улушни Сирдарё вилояти 1,6 фоиз билан 1,6 млрд сўмни ташкил этди.
Йирик корхоналарнинг товар айланмаси ҳажми, 2021 йилнинг январь—апрель ойларига нисбатан 30,2 фоизга ўсди. Бу 23,4 млрд сўмга тенг.
Бу эса умумий савдо ҳажмининг 21,6 фоиз улушига тўғри келди.
Кичик бизнес ва хусусий тадбиркорлик субъектларининг чакана савдо товар айланмаси ҳажми 84,8 млрд сўмни ташкил этиб, 2021 йилнинг январь—апрель ойларига нисбатан 5,6 фоизга кўпайди.
Ўзбекистон миқёсида ушбу секторнинг жами улуши 78,4 фоизни ташкил этди.
Кичик бизнес ва хусусий тадбиркорлик субъектларининг улуши бўйича Сирдарё (93,5 фоиз), Сурхондарё (92,4 фоиз), Қашқадарё (92 фоиз), Наманган (91 фоиз) вилоятлари етакчилик қилмоқда.
Йирик корхоналарнинг улуши 21,6 фоизни ташкил этиб, энг катта улуш Тошкент шаҳрида (38 фоиз), Тошкент (31,1 фоиз), Хоразм (23,4 фоиз) ва Самарқанд (21,3 фоиз) вилоятларида кузатилди.
2022 йилнинг январь—май ойлари ҳолатига кўра, ўртача аҳоли жон бошига чакана савдо товар айланмаси 3 млн сўмни ташкил этди. Бу кўрсаткич 2021 йилнинг мос даврига нисбатан 7,9 фоизга ошган.
Ҳудудлар кесимида солиштирилганда, энг юқориси Тошкент шаҳри (9,6 млн сўм), Навоий (4 млн сўм) ва Тошкент (3,7 млн сўм) вилоятлари ҳиссасига тўғри келди.
Изоҳ (0)