Daryoga tushib ketgan iPhone 10 oydan so‘ng topilib, egasiga qaytarildi. U hali ham ishlamoqda

Daryoda yo‘qolgan iPhone 10 oydan so‘ng topildi va egasiga qaytarildi. Eng qizig‘i u hozir ham ishlayapti. Bu haqda Sky News xabar bermoqda.

Angliyaning Glostershir shahrida yashovchi 29 yoshli Migel Pacheko iyun boshida Britaniyadagi Uey daryosidan telefon topib olgan va egasini topishga urinib ko‘rish uchun uning suratini Facebook’ga joylagan. Post minglab marta bo‘lishilgan va telefonning Edinburglik egasi 35 yoshli Oueyn Devis topilgan.

Ertasi kuni ertalab Migel iPhone’ni uyiga olib borib, quritib, quvvatlantirdi va ishlayotganini ko‘rib bunga ishonolmadi. 

Oueyn Devis telefonini o‘tgan yili 13-avgustda kanoyeda uchayotganida yo‘qotib qo‘ygan edi. 

Telefonimni yo‘qotib qo‘ysam, farzandlarimning ko‘plab suratlari borligi uchun qayg‘uraman. Shuning uchun bu iPhone’ning egasi ham telefonni qaytarib olishni juda ham xohlayapti deb o‘yladim va uni topishga harakat qildim, — deydi janob Pacheko BBC radiosiga.

Devis Migel Pachekoning telefonni quritib uni ishlatib ko‘rganidan hayron qolganini aytdi.