Eron raketa-tashuvchini muvaffaqiyatli uchirdi, deya xabar beradi Eronning Tasnim agentligi 26-iyun kuni.
Eron Mudofaa vazirligi “Zoljanax” deb nomlangan raketaning uchirilishi ilmiy maqsadlarda amalga oshirilganini qayd etdi.
Avvalroq iyun oyi boshida g‘arb OAVlari sun’iy yo‘ldoshdan olingan suratlarga tayanib, Eron raketa uchirishga tayyorgarlik ko‘rayotgani haqida xabar bergan edi.
Associated Press agentligining qayd etishicha, uchirish YI diplomatiyasi rahbari Xosep Borrelning Tehronga tashrifidan ko‘p o‘tmay amalga oshirilgan. O‘shanda tomonlar Eron atom bo‘yicha kelishuvga qaytish masalasida AQSH bilan bilvosita muzokaralarni qayta boshlashiga kelishib olgandi.
AQSH va boshqa bir qator G‘arb davlatlari Eron kosmik dasturdan harbiy maqsadlarda ham foydalanish mumkin bo‘lgan texnologiyalar ishlab chiqarishidan qo‘rqadi — ballistik raketalar yaratish.
Izoh (0)