Эрон ракета-ташувчини муваффақиятли учирди, дея хабар беради Эроннинг Tasnim агентлиги 26 июнь куни.
Эрон Мудофаа вазирлиги «Золжанах» деб номланган ракетанинг учирилиши илмий мақсадларда амалга оширилганини қайд этди.
Аввалроқ июнь ойи бошида ғарб ОАВлари сунъий йўлдошдан олинган суратларга таяниб, Эрон ракета учиришга тайёргарлик кўраётгани ҳақида хабар берган эди.
Associated Press агентлигининг қайд этишича, учириш ЕИ дипломатияси раҳбари Хосеп Боррелнинг Теҳронга ташрифидан кўп ўтмай амалга оширилган. Ўшанда томонлар Эрон атом бўйича келишувга қайтиш масаласида АҚШ билан билвосита музокараларни қайта бошлашига келишиб олганди.
АҚШ ва бошқа бир қатор Ғарб давлатлари Эрон космик дастурдан ҳарбий мақсадларда ҳам фойдаланиш мумкин бўлган технологиялар ишлаб чиқаришидан қўрқади — баллистик ракеталар яратиш.
Изоҳ (0)