Buxoro shahrida 7 gektar yer maydonining noqonuniy ravishda sotilishining oldi olindi, deb xabar beradi Bosh prokuratura huzuridagi departament.
Ma’lum qilinishicha, departamentning Buxoro shahar bo‘limi tomonidan prokuratura va IIB xodimlari bilan hamkorligida tezkor tadbir o‘tkazilgan. Tadbir davomida fuqaro Sh.A. boshqa bir fuqaro F.ning ishonchiga kirib, unga ukasi nomidagi “G.A.” MCHJga qarashli 7 gektar ekin yer maydonini firibgarlik yo‘li bilan 120 ming dollarga sotishga kelishgani aniqlangan. U oldindan 20 ming dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Xorazmda 40 sotix yer ajratishni hal qilish evaziga 100 ming dollar so‘ragan shaxslar ushlangani, Toshkent viloyatida 40 sotix yerni rasmiylashtirib berish uchun 29 ming dollar so‘ragan shaxs qo‘lga olingani to‘g‘risida xabar berilgandi.
Mavzuga doir:
Izoh (0)