Бухоро шаҳрида 7 гектар ер майдонининг ноқонуний равишда сотилишининг олди олинди, деб хабар беради Бош прокуратура ҳузуридаги департамент.
Маълум қилинишича, департаментнинг Бухоро шаҳар бўлими томонидан прокуратура ва ИИБ ходимлари билан ҳамкорлигида тезкор тадбир ўтказилган. Тадбир давомида фуқаро Ш.А. бошқа бир фуқаро Ф.нинг ишончига кириб, унга укаси номидаги «Г.А.» МЧЖга қарашли 7 гектар экин ер майдонини фирибгарлик йўли билан 120 минг долларга сотишга келишгани аниқланган. У олдиндан 20 минг долларни олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Аввалроқ Хоразмда 40 сотих ер ажратишни ҳал қилиш эвазига 100 минг доллар сўраган шахслар ушлангани, Тошкент вилоятида 40 сотих ерни расмийлаштириб бериш учун 29 минг доллар сўраган шахс қўлга олингани тўғрисида хабар берилганди.
Мавзуга доир:
Изоҳ (0)