Vazirlar Mahkamasining “Mahalla huquq-tartibot maskanlari faoliyatini yanada takomillashtirish to‘g‘risida”gi 343-son qarori qabul qilindi. Bu haqda Norma xabar qildi.
Qayd etilishicha, prezidentning farmon va qaroriga muvofiq Mahalla huquq-tartibot maskanlari tashkil etilgan.
Mahalla huquq-tartibot maskani mahalla va qishloqlarda jamoat tartibini saqlash, huquqbuzarliklar profilaktikasi va jinoyatchilikka qarshi kurashish faoliyatini bevosita amalga oshiradigan, shuningdek, fuqarolarning xavfsizligi va osoyishtaligini ta’minlash borasida ichki ishlar organlari, boshqa huquq-tartibot organlari va jamoat tuzilmalarining mahallalar kesimida birgalikda ishlashini tashkil etadigan ichki ishlar organlarining eng quyi bo‘g‘inidagi tarkibiy tuzilmasi hisoblanadi.
Profilaktika katta inspektori Maskanning bevosita rahbari hisoblanadi, unga mahallada jamoat tartibini saqlash va huquqbuzarliklar profilaktikasi bo‘yicha kundalik faoliyatni samarali tashkil etish bo‘yicha javobgarlik yuklatiladi.
Izoh (0)