Ijtimoiy tarmoqlarda Namangan shahrida “Jiguli” va MAN yuk mashinasi ishtirokida sodir bo‘lgan yo‘l-transport hodisasi tasvirlangan videolar tarqaldi. Viloyat YHXB holat yuzasidan rasmiy ma’lumot berdi.
Ma’lum qilinishicha, Yangi Namangan tumani hududidan o‘tgan 4R-117 avtomobil yo‘lining 26-kilometrida “VAZ-21011” rusumli avtomashinasi va MAN rusumli yuk avtomashinasi ishtirokida to‘qnashuv sodir bo‘lgan. Hodisa natijasida har ikki avtoulov texnik shikastlangan va “VAZ-21011” avtomobilining haydovchisi jarohat olib, shifoxonaga yuborilgan. Hozirda YTH yuzasidan dastlabki surishtiruv ishlari olib borilmoqda.
Shuningdek, Namangan shahar “Yoshlar markazi” chorrahasida Nexia va Lacetti avtomashinalari ishtirokida ham to‘qnashuv sodir bo‘lgan. YTH oqibatida har ikki transport vositasi texnik shikastlangan. Haydovchi va yo‘lovchilar orasida jabrlanganlar yo‘q.
Avvalroq Samarqandda tez yordam mashinasi va “Jiguli” to‘qnashib ketgani, Qashqadaryoda “ZIL” va Nexia ishtirokida sodir bo‘lgan YTH oqibatida yo‘lovchi vafot etgani, Samarqandda Damas 9 yoshli bolani urib ketib, hayotiga zomin bo‘lgani to‘g‘risida xabar berilgandi.
Izoh (0)